காதலர் தின வாழ்த்துக்கள்!!

ஏன், எதற்கு, எப்போது, எதனால், எப்படி 
போன்ற கேள்விகளுக்கு பதில் கூறாமல் 
உள் நுழைந்த தீவிரவாதி. 

ஜாதி, மதம், மொழி வேறுபாடுகளுக்கு 
மதிப்புக்  கொடுக்கா துரோகி, 

கண் திறந்து கனவு காண தூண்டி, பல நாட்கள் உடன் இருந்த 
கண்ணீரினை அவ்வபோது மட்டுமே சந்திக்கக்கும் பகைவன்,

பாலூட்டி சீராட்டி வளர்த்த உள்ளங்களுக்கு தற்காலிக எதிரி,

சிலரின் கண்ணீருக்கு காரணமாய் அமைந்தாலும் 

பலரின் புன்னகைக்கு காரணமாய் இருக்கும் 

காதல் அவர்களே, இன்  நன்னாளில் பலரின் 

உள்ளங்களில் பெருக்கெடுத்து, புண்பட்ட சில 

இதயங்களை வருடி கொடுத்து மேலும் மேலும் 

அன்பு பல்கி பெருக உம்மை தன்
துணை என தேர்ந்தெடுத்தவர்களை ஆசிர்வதியும்,

உண்மை காதல் இன்னதென எடுத்துரையும், 

காதலினால் காமமே தவிர காமத்திற்காக காதல் இல்லை 

என உரக்க சொல்லும், விட்டுகொடுப்பதில் நீ நிறைந்துள்ளாய் 

என நினைவூட்டும், நம்பிக்கையிலும் நேர்மையிலும் உன் 

உயிர் உள்ளது என்று ஒலி எழுப்பும், மதிப்பிலும், சம உரிமையிலும் 

நீ செழித்து வாழ்வாய் என இவ்வுலகம் மறவாமல் இருக்கட்டும். 

கொண்ட காதல் இறுதி வரை தழைக்கட்டும் 

சேந்து வாழும் இதயங்களுக்கும், பிரிந்து வாழ்ந்தாலும் 

காதல் மறவா உன்னத  இதயங்களுக்கும்
இனிய காதலர் தின நல்வாழ்த்துக்கள்.