நிம்மதி

  

இவ் வார்த்தையின் அர்த்தம் என்ன?

நினைப்பது எல்லாம் கிடைத்தால் மனிதன் நிம்மதி அடைகிறானா?

எதிர்பார்ப்பது கிடைத்த பின்னால் மீண்டும் புதிதாய் எதிர்பார்க்கிறான் 

நினைப்பது கிடைப்பதனால் வரும் நிம்மதி 

அடுத்த எதிர்பார்ப்பு பிறக்கும் வரை மட்டுமே 

நிலையான நிம்மதி இவ் உலகில் உண்டோ?

மனித வர்க்கம் சுயநலம் கொண்டது ,
பொது நலத்தை விரும்புவோர் கூட 

ஒரு வகையில் சுயநலவாதிகளே.

சிலரின் கண்ணீரில் பலரின் நிம்மதி ஒழிந்துள்ளது
கண்ணீருக்காக வருந்துவதா?

இல்லை பிறரின் நிம்மதிக்காக கண்ணீரின் சுவை காண்பதா?

முடிவு அவர் அவர் கைகளில். 

எவரையும் காயப்படுத்தா நிம்மதி இவ் உலகினில் இல்லை .

அடுத்த எதிர்பார்ப்பு பிறக்கும் வரை ,

நிம்மதியாய் வாழ்வோம் அல்லது, 

புதிதாய் ஒரு எதிர்பார்ப்பினை மற்றவருக்குள் 

உருவாக்க நம் நிம்மதியை துளைத்து 

நிம்மதி அடைவோம்.